Նիդեռլանդներում 2 վերամբարձ կռունկ ընկել է հարակից տների վրա

10:32 • 04.08.15

Լուսանկարը՝ omroepwest.nl-ի


Նիդեռլանդների արևելքում գտնվող Ալֆեն ան դեն Ռեյն քաղաքում 2 վերամբարձ կռունկ է ընկել հարակից տների վրա։ Դրանք աշխատում էին կամրջի վերականգնման վայրում։ Տուժել է մոտ 20 մարդ, փոխանցում է Корреспондент-ը։

 

«Երկու վերամբարձ կռունկները և անցումային հատվածը, որը նրանք տեղափոխում էին, ընկել են 5 տների վրա»,- հայտնել է հրշեջ-փրկարար ծառայության ներկայացուցիչ Թոն Կուտը։

 

Հաղորդվում է, որ փլատակների տակից մեկ մարդ է դուրս բերվել, նա տեղափոխվել է հիվանդանոց։ Որոնողա-փրկարարական աշխատանքները շարունակվում են։

 

Վերամբարձ կռունկները զբաղվում էին Ջուլիանա թագուհու կամրջի վերականգնման աշխատանքներով։ Մեքենաներից մեկն ընկել է, ինչի հետևանքով հավասարակշռությունը կորցրել է նաև 2-րդ կռունկը և ընկել։