Որտեղ են ապրում Գերմանիա ժամանած ներգաղթյալները (լուսանկարներ)
Գերմանիայի Դաշնային միգրացիոն գերատեսչության կանխատեսումներով՝ 2015-ին Գերմանիա պետք է այցելեր մոտ 300.000 փախստական։ Այժմ պաշտոնյաներն արդեն խոսում են 450.000-ի մասին, գրում է Deutsche Welle-ն։
Տրիր քաղաքում փախստականների առաջնային ընդունման կենտրոնում կարող է միաժամանակ մոտ 850 մարդ տեղակայվել։ Գերմանիա ժամանած փախստականները նախ հայտնվում են այդպիսի կենտրոններում։ Երեք ամիս անց նրանց կցում են կոնկրետ քաղաքի կամ շրջանի, որն էլ զբաղվում է նրանց ճակատագրով։
Եվ քանի որ ներգաղթյալների ընդունման շատ կենտրոններ հագեցած են, իշխանությունները ստիպված են օգտագործել ամենատարբեր շինություններ՝ խոշոր միջոցառումների համար նախատեսված մեծ սրահներ, դպրոցներ։
Վերջին շրջանում Գերմանիայում շատ են կառուցվում վրանային քաղաքներ։ Ամռանը նման պայմանները կարող են թեթևացնել իրավիճակը, սակայն մինչև ձմեռ փախստականների համար անհրաժեշտ է նոր վայրեր գտնել։
Ներգաղթյալներին ապրելու վայրով ապահովելու համար Գերմանիայի շատ շրջաններում ակտիվ օգտագործում են վագոն-տնակները։




















