Բալիի միջազգային օդանավակայանը փակվել է Ռաունգ հրաբխի պատճառով

12:00 • 08.08.15

Ինդոնեզիայի իշխանությունները շաբաթ օրը փակել են Բալի կղզու Նգուրահ-Ռայ օդանավակայանը՝ Ռաունգ հրաբխի մոխրի հերթական ժայթքման պատճառով, գրում է РИА Новости-ն:

 

Օդանավակայանի փակվելն անդրադարձել է բազմաթիվ ներքին և միջազգային չվերթների վրա:

 

Վերջին մի քանի օրվա ընթացքում սա արդեն օդանավակայանի փակման երկրորդ դեպքն է, ինչը զգալի վնաս է հասցնում երկրի տնտեսությանը՝ զբոսաշրջիկների կորստի առումով:

 

Ինդոնեզիայի իշխանությունները հունիսին Ռաունգ հրաբխի ժայթքման պատճառով տագնապի մակարդակը բարձրացրել են մինչև նարնջագույն: Հուլիսին օդանավակայանը փակվել է մի քանի անգամ, ինչի հետևանքով զբոսաշրջային սեզոնի ամենաթեժ շրջանում մոտ 900 չվերթ է չեղյալ հայտարարվել կամ հետաձգվել: