Գեր բրիտանուհին նիհարել է և դարձել բոդիբիլդինգի չեմպիոն (լուսանկարներ)

Մեծ Բրիտանիայում բնակվող Սառա Օլդհեմը ժամանակին կշռել է ավելի քան 100 կգ և կրել 22 չափսի հագուստ, սակայն նա զարմացրել է բոլորին՝ կորցնելով քաշը և դառնալով բոդիբիլդինգի չեմպիոն, գրում է Daily Mail-ը։

32-ամյա կինն այս տարվա սկզբին գրանցել է իր առաջին հաղթանակը՝ հռչակվելով Miss Toned Northants 2015, իսկ արդեն հոկտեմբերին Տեներիֆեում անցկացվելիք մրցույթում փորձելու է պայքարել մեկ այլ տիտղոսի համար։

Մեկուկես տարի առաջ նրա տան հարևանությամբ մարզահամալիր է բացվել, որը նրան անչափ հետաքրքրել է, և նա սկսել է հաճախել այնտեղ։

Նա խստորեն հետևում է իր սննդակարգին՝ սնվելով հիմնականում հավի կրծքամսով և բրոկոլիով։

Սառայի ամուսինը՝ 46-ամյա Էնդին, պատմում է, որ շատ ոգևորիչ է տեսնել, որ իր կինը շաբաթը հինգ օր երկու ժամ բոդիբիլդինգ է պարապում։