Բարաք Օբաման ընտանիքի հետ արձակուրդ է մեկնել

09:50 • 08.08.15

Լուսանկարը՝  Reuters-ի

 

ԱՄՆ-ի նախագահ Բարաք Օբաման ընտանիքի հետ արձակուրդ է մեկնել։ Նա հանգիստն անցկացնելու է Մարթաս Վինյարդ կղզում, հայտնել են նախագահական նստավայրի լրագրողները։

 

Օբամայի արձակուրդը սկսվում է օգոստոսի 8-ից, սակայն նա Վաշինգտոնից մեկնել է ուրբաթ երեկոյան։

 

Նրա վերադարձը մայրաքաղաք ակնկալվում է օգոստոսի 23-ին, գրում է korrespondent.net-ը։

 

Արձակուրդները նախագահն ավանդաբար անցկացնում է Մարթաս Վինյարդի հանգստավայրում։ Ընտանիքին ուղեկցում է ազգային անվտանգության հարցերով խորհրդական Սյուզան Ռայսը, Սպիտակ տան ավագ խորհրդական Վալերի Ջարեթը։

 

Մարթաս Վինյարդը գտնվում է Ատլանտյան օվկիանոսում։ Օբաման ընտանիքի հետ մնալու է 7 սենյականոց և 12 մլն դոլար արժողությամբ առանձնատանը։