Ճապոնիայում շնաձկների հարձակման վտանգի պատճառով մի քանի լողափ է փակվել

11:05 • 08.08.15

Լուսանկարը՝ Depositphotos.com-ի

 

Ճապոնիայի Իբարակի պրեֆեկտուրայում շնաձկների հարձակման վտանգի պատճառով լողափեր են փակվել, գրում է rg.ru-ն։

 

Տեղի ԶԼՄ-ները հայտնում են, որ քաղաքացիների մուտքը լողափեր սահմանափակվել է 9 վայրերում, որտեղ նախկինում հանրության մուտքն ազատ է եղել։

 

Իշխանությունները հայտնում են, որ այս շաբաթ Հոկոտա քաղաքի ափամերձ ջրերում նկատել են ընդհանուր առմամբ 16 շնաձուկ։

 

Վտանգավոր գիշատիչներն անցած չորեքշաբթի, հինգշաբթի և ուրբաթ օրերին անչափ շատ են մոտեցել այն հատվածներին, որտեղ հանրային լողափերն են։

 

Հանգստացողների կյանքին սպառնացող վտանգի պատճառով Իբարակիի իշխանությունները որոշել են փակել Հոկոտա, Կամիսու քաղաքների և Օարաի բնակավայրի լողափերը։

 

Երբ հաստատվի, որ շնաձկները լքել են ափամերձ ջրերը, մուտքը դեպի լողափեր կրկին կթույլատրվի։