«Դոմոդեդովո» օդանավակայանի զուգարանում նորածնի մարմին է հայտնաբերվել

10:29 • 11.08.15

Մոսկվայի «Դոմոդեդովո» օդանավակայանի զուգարանում նորածին երեխայի մարմին է հայտնաբերվել: Այդ մասին հայտնում է РИА Новости-ն՝ վկայակոչելով իրավապահ մարմիններում աղբյուրին:

 

«Երկրորդ հարկում գտնվող կանանց զուգարանում երեխայի դի է հայտնաբերվել: Ոստիկանությունը ձերբակալել է Տյումենի բնակիչ, 1991 թվականի ծնված կնոջ: Նա ժամանել էր Ռոստովից և պետք է թռչեր Տյումեն: Նախնական տվյալներով՝ դա նրա երեխան է եղել»,- նշել է աղբյուրը։

 

Հաղորդվում է, որ երեխայի մարմինը հայտնաբերել է հավաքարարը: Երեխայի ենթադրյալ մայրը ձերբակալվել է, փաստի առնչությամբ հետագա գործողությունները հանձնարարվել են քննչական մարմիններին: