Սանկտ Պետերբուրգում ռեկորդային 250 կիլոգրամ հաշիշ են առգրավել
Ռուս իրավապահները Սանկտ Պետերբուրգում առգրավել են 250 կգ հաշիշ, ինչը հաշիշի առգրավված վերջին ամենամեծ խմբաքանակներից մեկն է, գրում է interfax.ru-ն։
Բացի թմրանյութից հայտնաբերվել են նաև մի շարք զենքեր։ Առգրավման գործընթացն իրականացվել է Սանկտ Պետերբուրգի թմրանյութերի շրջանառության վերահսկողության ծառայության կողմից։
«Հանցավոր խմբավորման կազմակերպիչը ձերբակալված է»,-հայտնել են թմրանյութերի շրջանառության վերահսկողության ծառայությունից։
Ծառայությունից հայտնել են նաև, որ երկար ամիսներ տևած օպերտիվ աշխատանքների արդյունքում հնարավոր է եղել պարզել թմրանյութերի մատակարարի ինքնությունը, ով մեծ քանակության սինթետիկ թմրանյութեր, կոկաին և հաշիշ էր տրամադրում։ Նշվում է, որ մատակարարը Լենինգրադի մարզից է։










