Սիրիայում հայ զինծառայող է զոհվել

09:28 • 12.08.15

Սիրիայի մայրաքաղաք Դամասկոսի Զաբադանի շրջանում շարունակվող բախումների հետևանքով զոհվել է սիրիական բանակի հայ զինծառայող Հաբեթ Մանուկ Աբրիկյանը:

 

Ինչպես տեղեկացնում է Հալեպի «Գանձասար» թերթի ֆեյսբուքյան էջը, 1993 թվականին ծնված Հաբեթ Մանուկ Աբրիկյանը զոհվել է օգոստոսի 10-ին:

 

Վերջին օրերին շարունակում է լարված մնալ իրավիճակը նաև Հալեպում: Սիրիայի տնտեսական մայրաքաղաքի տարբեր, այդ թվում՝ նաև հայաբնակ շրջաններում ականներ հաճախ են պայթում։

 

Դրանից բացի, քաղաքի բնակիչների վիճակը վատացնում է նաև օրեր շարունակ ջրի բացակայությունը: Ջրի և էլեկտրաէներգիայի հաճախակի անջատումներն ամռան տապին բնակիչների կյանքն անտանելի են դարձնում: