Տյանցզինում պայթյունների վայրում ողջ մարդ է հայտնաբերվել (լուսանկարներ, տեսանյութ)
Չինաստանի Տյանցզին քաղաքում տեղի ունեցած պայթյունների վայրում փրկարարները ողջ մարդ են հայտնաբերել: Նրան գտել են ուրբաթ օրը՝ օգոստոսի 14-ին, ժամը մոտ 07:05-ին: Ողջ մնացածի ինքնությունը դեռ չի պարզվել, գրում է lenta.ru-ն։
Վիրավորների որոնումները շարունակվում են, սակայն իրավիճակը բարդացրել է պայթյուններից հետո սկսված հրդեհը:
Պայթյունները և դրան հաջորդած հրդեհը տեղի են ունեցել օգոստոսի 12-ի երեկոյան Պեկինից 120 կիլոմետր հարավ-արևելք գտնվող Տյանցզին նավահանգստային քաղաքում: Պայթյունի պատճառը դարձել է նավահանգստի տարածքում կոնտեյներներից մեկում պայթուցիկ նյութերի պայթյունը։
Վերջին տվյալներով՝ պայթյունների զոհ է դարձել 55 մարդ, ևս 700-ից ավելին վիրավորվել է:




















