Փարիզի արվարձանում անհայտ անձինք կրակել են ոստիկանի վրա իր իսկ ծառայողական հրազենից

17:38 • 16.08.15

լուսանկարը՝ Depositphotos.com-ի 

Փարիզի (Ֆրանսիա) Պանտեն արվարձանում անհայտ անձինք ավտոտնակում կրակել և վիրավորել են ոստիկանին նրա իսկ ծառայողական հրազենից, գրում է ТАСС գործակալությունը։

Այս մասին հայտնել են Ֆրանսիայի Ներքին գործերի նախարարությունից։

Երկու հանցագործները հարձակվել են ոստիկանի վրա, երբ նա օգոստոսի 16-ի գիշերը պարեկություն էր իրականացնում իր պատասխանատվության տակ գտնվող տարածքում։

Չարագործները, ովքեր զինված են եղել դանակով, հարձակվել են ոստիկանի վրա, նրանից խլել են ծառայողական հրազենը և դրանով կրակել նրա վրա, ապա փախուստի են դիմել դեպքի վայրից։

Տուժած ոստիկանը հրազենային վնասվածք է ստացել ձեռքին և որովայնին, որի հետևանքով տեղափոխվել է հիվանդանոց։

Իրավապահները նշում են, որ հանցագործները ներխուժել են ավտոտնակ գողություն անելու նպատակով, սակայն այդ պահին հայտնվել է ոստիկանը։