Ամերիկյան քաղաքում թունաքիմիկատների արտահոսք է տեղի ունեցել․ տարհանվել են բնակիչներ

11:52 • 16.08.15

լուսանկարը՝ rt.com-ի 

ԱՄՆ Ինդիանա նահանգի Տեր-Օտ քաղաքում թունաքիմիկատների արտահոսք է տեղի ունեցել, գրում է ТАСС գործակալությունը։

Մարդու համար թունավոր համարվող ծծմբի երկօքսիդի գազն արտահոսել է բնակավայրի հարավային հատվածում։

Բոլոր այն բնակիչները, ովքեր գտնվել են թունաքիմիկատների ազդեցության գոտում, տարհանվել են։ Նրանցից ոմանք բողոքել են թոքերում այրող զգացումից և տեղափոխվել են հիվանդանոց։

Առայժմ հայտնի չէ, թե որն է հանդիսացել թունանյութերի արտահոսքի պատճառը։ Դեպքի վայր են ժամանել  հրշեջներ։