Չինական Տյանցզին քաղաքում նոր պայթյուն է գրանցվել

10:07 • 17.08.15

Չինաստանի Տյանցզին արդյունաբերական, նավահանգստային քաղաքում՝ վտանգավոր նյութերի պահեստում, այսօր առավոտյան պայթյուն է գրանցվել, տեղեկացնում է РИА Новости գործակալությունը:

 

Պայթյունը տեղի է ունեցել տեղական ժամանակով առավոտյան 7:00-ի մոտակայքում, ինչից հետո  բոցեր ու սպիտակ ծուխ է նկատվել:

 

Հիշեցնենք, որ անցյալ շաբաթ արդյունաբերական այս քաղաքում հուժկու պայթյուններ էին գրանցվել: Դրանք այնքան ուժգին էին եղել, որ գրանցել էր անգամ տեղի սեյսմոլոգիական ծառայությունը:

 

Վերջին տվյալներով՝ այդ պայթյունների հետևանքով մահացել է 112 մարդ, 95-ն անհետ կորած է համարվում, որոնցից 85-ը հրշեջներ են: Քաղաքի հիվանդանոցներում գտնվում է 722 մարդ, որոնցից 58-ի վիճակը ծանր է։