Նյու Յորքում սպանել են Մորգան Ֆրիմանի խորթ թոռնուհուն
Նյու Յորքում սպանել են հայտնի դերասան Մորգան Ֆրիմանի թոռնուհուն՝ Իդենա Հայնսին, գրում է Корреспондент-ը՝ հղում անելով NBCNewYork-ին։
Իրավապահները 33-ամյա Հայնսին հայտնաբերել են Նյու Յորքի փողոցներից մեկում՝ դանակի մի քանի հարվածներով։
Աղջկան տեղափոխել են հիվանդանոց, որտեղ նա մահացել է ստացած վերքերի հետևանքով։
Հայնսի սպանության փաստով ոստիկանները ձերբակալել են 30-ամյա մի տղամարդու։ Նրան տեղափոխել են հիվանդանոց՝ հոգեբուժական փորձաքննություն անցնելու։
Իդենա Հայնսը Մորգան Ֆրիմանի առաջին կնոջ թոռնուհին է, նա նաև դերասանի սանուհին էր։










