Ինդոնեզիայում կործանված ինքնաթիռը կարիքավորների համար նախատեսված գումար է տեղափոխելիս եղել

11:09 • 17.08.15

Ինդոնեզական Trigana Air Service ավիաընկերության ATR 42-300 ուղևորատար ինքնաթիռը մոտ 470.000 դոլար է տեղափոխելիս եղել, որը նախատեսված է եղել աղքատ ընտանիքների համար, հայտնում է РИА Новости-ն՝ փոստային ծառայության ներկայացուցչին հղումով։

 

«Մեր 4 աշխատակիցներն ուղեկցում էին այդ բեռը»,- ասել է Ջայապուրա քաղաքի փոստային բաժանմունքի պետը։

 

Նրա խոսքով՝ գումարը եղել է 4 պայուսակում։

 

Ինդոնեզական ATR 72 ինքնաթիռը, որը չվերթ էր իրականացնում Սենտաի քաղաքից դեպի Օքսիբիլ, երեկ անհետացել էր ռադարների տեսադաշտից։ Ինքնաթիռում եղել է 54 մարդ, այդ թվում՝ անձնակազմի 5 անդամ։

 

Ավելի վաղ հաղորդվել է, որ փրկարարները հայտնաբերել են ինդոնեզական Trigana Air Service ավիաընկերությանը պատկանող ինքնաթիռի մնացորդները։ Երկրի իշխանությունները դեռևս չեն հաստատել այդ լուրը։