Մուշում թեժ բախումներ են գրանցվել. կան զոհեր
Մուշի Վարթո շրջանում, որտեղ երեկ պարետային ժամ էր հայտարարվել, 15 տարբեր վայրերում պայթուցիկ սարքեր են հայտնաբերվել։
Քուրդ զինյալների հետ բախումների հետևանքով զոհեր են գրանցվել։
Ինչպես տեղեկացնում է «Միլլիյեթ» թերթի կայքը, քուրդ զինյալները կորուստներ են կրել։ Սպանվել է 6 զինյալ։
Հատուկ գործողության արդյունքում 120 կգ պայթուցիկ է հայտնաբերվել։
Բախումների ընթացքում քաղաքի մուտքի մոտ կանգնեցված մեքենայից 15 Կալաշնիկով, 5 հրթիռի մարտագլխիկ, տարբեր զենքեր են առգրավվել։










