«Իսլամական պետությունը» բաց պատերազմի է պատրաստվում 2017 թվականին. The Daily Mail

11:25 • 18.08.15

Պակիստանում հայտնաբերվել է «Իսլամական պետություն» ծայրահեղական խմբավորման «Իսլամական խալիֆայության, Մարգարեի խալիֆայության կարճ պատմությունը» վերնագրված փաստաթուղթ: Ինչպես նշված է 32 էջանոց փաստաթղթում՝ «խալիֆայության հռչակման» հինգերորդ փուլը կուղեկցվի 2017 թվականին՝ «բաց պատերազմի» վերջնական փուլով, գրում է The Daily Mail-ը:

 

Ջիհադականների նոր փաստաթուղթը որակվել է որպես խմբավորման համար Ադոլֆ Հիտլերի «Մայն Կամպֆ»-ի համարժեք։

 

Հաղորդվում է, որ այդ փաստաթղթի իսկությունը հաստատել է ԱՄՆ ռազմական հետախուզության նակին ղեկավար Մայքլ Ֆլինը: Ամերիկյան հետախուզությունում Mail Online պարբերականի մեկ այլ աղբյուր ասել է, որ «մինչ աշխարհը դիտում է Իրաքում և Սիրիայում գլխատումներով տեսանյութերը, ԻՊ-ն առաջ է շարժվում Մերձավոր Արևելքում և Հյուսիսային Աֆրիկայում»: Նրա խոսքով՝ ԻՊ-ի ռազմավարությունը Հարավային Ասիայում նման է աճպարարի գործողություններին, այսինքն՝ տարբերվում է անկանխատեսելիությամբ:

 

Նաև համաձայն Պակիստանում հայտնաբերված ԻՊ-ի փաստաթղթի՝ ծայրահեղականները պատրաստվում են իրենց ահաբեկչական գործողությունները տարածել Աֆղանստանում և Պակիստանում: Բացի այդ, փաստաթղթում նշված է, որ խմբավորման համար ապագա մարտադաշտը կլինի ոչ թե Արևմտյան Եվրոպան, այլ՝ Հնդկաստանը։

ISIS recently released pictures of fresh atrocities being carried out by their supporters in Afghanistan