Անդրեյ Մակարևիչի համերգը խափանած ակտիվիստն ազատազրկվել է 3 տարով

00:27 • 19.08.15

Անցած տարի անվանի ռուսաստանցի երաժիշտ Անդրեյ Մակարևիչի համերգը խափանած ակտիվիստին ռուսաստանյան դատարանը ազատազրկել է 3 տարով:

«Կոմերսանտի» փոխանցմամբ` «Այլ Ռուսաստան» չգրանցված կուսակցության անդամ Օլեգ Միրոնովը  դատապարտվել է ազատազրկման խիստ ռեժիմի բանտում:

2014-ի սեպտեմբերին Մակարևիչի համերգի ժամանակ նա քաղաքական ակցիա էր անցկացրել և արցունքաբեր գազ էր փչել համերգի անցկացման վայրում` Մոսկվայի Երաժշտության միջազգային տանը:

«Իդիշ ջազ» փառատոնի շրջանակում Մակարևիչը այդ պահի դրությամբ հասցրել էր 4 երգ կատարել:
Միրոնովը միայն մասամբ է իրեն մեղավոր ճանաչել: