Չինաստանում ուղևորները բարձրացրել են 18 տոննայանոց ավտոբուսը և փրկել փոքրիկ աղջնակին (լուսանկարներ)
Չինաստանի Գուանքսի նահանգում մի անանուն աղջկա վրաերթի է ենթարկել հսկա ավտոբուսը, որը տեղից շարժելու և աղջկան ազատելու համար մի քանի տասնյակ մարդիկ են հավաքվել, գրում է Daily Mail-ը։
Բազմաթիվ մարդիկ հավաքվել են 18 տոննա կշռող ավտոբուսի մոտ և սկսել հրելով բարձրացնել, որպեսզի աղջկա ոտքը հնարավոր լինի հանել ավտոբուսի անիվի տակից։
Բարեբախտաբար, երեխան կենդանի է մնացել, չնայած նրան, որ վնասվածքներ է ստացել։
Երեխան ճամփորդելիս է եղել իր տատիկի հետ, ով սակայն միայնակ չի կարողացել թոռնուհուն դուրս բերել ավտոբուսի «ճիրաններից», այդ պատճառով օգնության են հասել անծանոթ անցորդները։















