Մակեդոնիան կրկին բացել է Հունաստանի հետ սահմանը փախստականների համար (լուսանկարներ)
Հազարավոր մարդիկ կրկին շարժվել են դեպի Մակեդոնիա և այնուհետև դեպի հյուսիս՝ Բոսնիայի ուղղությամբ, այն բանից հետո, երբ մակեդոնական ոստիկանությունը դադարեցրել է Հունաստանի հետ սահմանը փակելու փորձերը և կրկին բացել իր տարածքը հարյուրավոր ներգաղթյալների համար, գրում է Корреспондент-ը:
Այժմ սահմանային անցակետն ամբողջությամբ բաց է, և հոսքով Մակեդոնիա են այցելում ներգաղթյալներ՝ առավելապես Սիրիայից, Իրաքից և Աֆղանստանից:
Մակեդոնիայում նրանք նստում են ավտոբուսներ և գնացքներ, շարժվում են դեպի Սերբիա և ԵՄ երկրներ: Մեծամասնությունը գնում է դեպի հյուսիս, նրանց ճանապարհն անցնում է Հունգարիայի միջով:
«Մենք փորձում ենք նախապատվությունը տալ առավել կարիքավորներին՝ վիրավորներին և փոքրիկ երեխաներով ընտանիքներին: Այնտեղ շատ երեխաներ կան, իսկ այսօր շատ շոգ է, և շատերն ուշաթափվում են տապից, այդ թվում՝ տարեց մարդիկ»,- ասել է Կարմիր Խաչի ներկայացուցիչ Կորին Ամբլերը։
Սերբիայի պաշտպանության նախարար Բրատիսլավ Գաշիչը նշել է, որ մեկ գիշերում մակեդոնա-բոսնիական սահմանը հատել է ավելի քան 5000 մարդ:










