Պուտինն ու Լավրովը կմասնակցեն ՄԱԿ-ի Գլխավոր ասամբլեայի նստաշրջանին
Ռուսաստանի նախագահ Վլադիմիր Պուտինը հաստատել է ՄԱԿ-ի Գլխավոր ասամբելայի 70-րդ նստաշրջանին ռուսական պատվիրակության կազմը, գրում է gazeta.ru-ն։
Ինչպես պատմել են Կրեմլում՝ պատվիրակության կազմում են ինքը՝ Պուտինը, արտգործնախարար Սերգեյ Լավրովը, ինչպես նաև նախագահի օգնական Յուրի Ուշակովը: Պուտինը կլինի պատվիրակության ղեկավարը։
Նստաշրջանն անցկացվելու է ԱՄՆ-ում սեպտեմբերի 15-22-ը: Ավելի վաղ հայտնի է դարձել, որ Ղրղզստանի նախագահ Ալմազբեկ Աթամբաևը հրաժարվել է այցելել միջոցառումը։










