Դոնալդ Թրամփը պատասխանել է իր սանրվածքի մասին հարցին
ԱՄՆ նախագահի պաշտոնի համար Հանրապետական կուսակցությունից առաջադրվելու հավանական թեկնածու, գործարար Դոնալդ Թրամփը պարզաբանել է իր գլխի մազերի ծագման հարցը, ինչն արդեն երկար ժամանակ հուզում էր իր մրցակիցներին ու մամուլին:
Ինչպես տեղեկացնում է Интерфакс գործակալությունը, Հարավային Կարոլինա նահանգում ունեցած ելույթի ընթացքում նա երդվել է, որ իր գլխին իրական մազեր են աճում: Ապա նա հրավիրել է հանդիսատեսներից մեկին, որպեսզի անձամբ ստուգի այդ հանգամանքը: Կինը շոշափել է Թրամփի մազերն ու հաստատել է, որ դրանք իրական են:
Թրամփը նաև նշել է, որ մազերի լաք է օգտագործում՝ սանրվածքը պահպանելու համար:
Թրամփի մազերի հարցը բազմաթիվ մարդկանց էր հետաքրքրում: Անգամ The New York Times պարբերականը նյութ էր տեղադրել, որում խոսվում էր գործարարի սանրվածքի հարցում եղած կասկածների մասին։










