ԱՄՆ-ում ուսուցիչը դատարանի առաջ է կանգնել՝ աշխատանքից 111 անգամ ուշանալու համար

12:24 • 29.08.15

Ամերիկյան Թրենթոն քաղաքում տարրական դասարանների ուսուցիչ Առնոլդ Անդերսոնը դատարանի առաջ է կանգնել՝ երկու տարվա ընթացքում 111 անգամ աշխատանքից ուշանալու պատճառով, հաղորդում է Lenta.ru-ն։

 

Ուսուցիչն իր կողմից աշխատանքային կարգը խախտելը բացատրել է «վնասակար սովորությամբ»։

 

«Ես վատ սովորություն ունեմ. սիրում եմ նախաճաշել առավոտյան։ Ես ստիպված եմ հրաժարվել դրանից»,- հայտարարել է Անդերսոնը։

 

Նրա խոսքով՝ ուշացումները հիմնականում չեն գերազանցում 2 րոպեն։ Նա միայն 1 անգամ է ուշացել 10 րոպե, քանի որ ճանապարհին փչացել է ավտոմեքենան։

 

Նշվում է, որ 2013-2014 ուսումնական տարում նա աշխատանքային կարգը խախտել է 65, իսկ ընթացիկ տարում՝ 46 անգամ։

 

Դատարանը, լսելով ուսուցչի ու դպրոցի աշխատակազմի դիրքորոշումը, վճռել է մինչև հունվարի 1-ն աշխատանքից հեռացնել ուսուցչին։ Իր որոշումը դատավորը պատճառաբանել է այն հանգամանքով, որ չնայած ուշացումներին՝ նրան ոչ մի անգամ վարչական պատժի չեն ենթարկել։

 

Անդերսոնը, որի տարեկան եկամուտը կազմում է մոտ 90 հազար դոլար, հայտարարել է, թե «զայրացած է դատարանի որոշումից»։

 

Չնայած դրան՝ խոստովանել է, որ աշխատանքը կորցնելը շատ ավելի վատ կլիներ և խոստացել է հետագայում աշխատանքի գալ մինչև դասերի սկիզբը։