Ալյասկայի բնակչուհին առևանգել է ոստիկանական մեքենան` փախցնելով ձերբակալված ամուսնուն
Ալյասկայի բնակիչ Էմբեր Ուոթֆորդը առևանգել է ոստիկանական մեքենան, որում գտնվելիս է եղել նրա ձերբակալված ամուսինը:
Ինչպես հայտնում է Lenta.ru-ն` հղում անելով New York Daily News-ին, միջադեպը տեղի է ունեցել սեպտեմբերի 2-ին: 28-ամյա կնոջ ձեռնաշղթայված ամուսինը` Ջոշուան, նստած է եղել մեքենայի հետևի նստելատեղին: Իսկ նրան ձերբակալած ոստիկանը տարվել է զրույցով անցնող մեքենայի վարորդի հետ:
Այդ պահին մեքենայի կողքին կանգնած Էմբերը նստել է մեքենայի ղեկին և հեռացել անհայտ ուղղությամբ:
Նրանց փնտրող ոստիկանները նույն օրը հայտնաբերել են միայն դատարկ մեքենան: Իսկ Ուոթֆորդներին հայտնաբերել հաջողվել է օրեր անց: Նրանց ձերբակալել են մեքենա առևանգելու և ոստիկաններին դիմադրելու համար:










