Թուրքիայում բախումների հետևանքով վնասվել է Սուրբ Կիրակոս հայկական եկեղեցին

10:40 • 08.09.15

Դիարբեքիրի Սուր շրջանում երկուշաբթի բախումներ են գրանցվել, որոնց ընթացքում սպանվել է երկու ոստիկան:

 

Ինչպես տեղեկացնում է Demokrat Haber թուրքական կայքը, դրանից հետո շրջանում պարետային ժամ է հայտարարվել:

 

Բազմաթիվ մարդիկ են ձերբակալվել: Բախումներից, սակայն, վնասներ են կրել նաև տարածքում գտնվող հայկական եկեղեցին և մի մզկիթ:

 

Հայկական պատմական Սուրբ Կիրակոս եկեղեցու մոտակայքում տեղակայված պայթուցիկ սարքի գործարկման հետևանքով եկեղեցու ապակիները կոտրվել են, հասցվել է նյութական վնաս։

 

Եկեղեցու ուղղությամբ նաև կրակոցներ են հնչել: Փամփուշտներից մեկը դիպել է եկեղեցու ցուցանակին։