Օդեսայի շրջանի դատախազ է նշանակվել վրաց նախկին պաշտոնյան

16:19 • 16.09.15

Ուկրաինայի գլխավոր դատախազի տեղակալ Դավիդ Սաքվարելիձեն նշանակվել է Օդեսայի շրջանի գլխավոր դատախազի պաշտոնին։ Այդ մասին հայտնել է Օդեսայի նահանգապետ Միխեիլ Սաակաշվիլին՝ Սաքվարելիձեին պաշտոնապես ներկայացնելու ժամանակ, հաղորդում է ТАСС-ը։

 

«Այդ մարդը մեծ գործեր է արել Վրաստանում: Մենք եկել ենք այստեղ և հավատարմորեն կծառայենք այստեղ»,- հայտարարել է Սաակաշվիլին։

 

Միևնույն ժամանակ, Սաքվարելիձեն չի պատրաստվում հրաժարվել գլխավոր դատախազի տեղակալի պաշտոնից, նա համատեղելու է երկու պաշտոնները։

 

Դավիդ Սաքվարելիձեն Ուկրաինայի գլխավոր դատախազի տեղակալ է նշանակվել 2015 թվականի փետրվարի 16-ին։

 

Նախկինում նա նույն պաշտոնն է զբաղեցրել Վրաստանում։