ԵԽԽՎ զեկուցողն Ադրբեջանի կողմից առաջնագիծ է այցելել (լուսանկարներ)
Եվրոպայի խորհրդի խորհրդարանական վեհաժողովի ժողովրդավարության և քաղաքական հարցերով հանձնաժողովի՝ ԼՂ հակամարտության հարցով զեկուցող Ռոբերտ Վալտերն այցելել է շփման գիծ՝ Ադրբեջանի կողմից։
Ինչպես տեղեկացնում է ԱՊԱ գործակալությունը, այդ մասին հաղորդել է Ադրբեջանի պաշտպանության նախարարությունը։
Զեկուցողը սեպտեմբերի 15-ին հանդիպել էր Ադրբեջանի պաշտպանության նախարար Զաքիր Հասանովի հետ ու առաջնագիծ այցելելու ցանկություն հայտնել։
Վալտերի ցանկությունը՝ տեղում ծանոթանալու իրավիճակին, բավարարվել էր, և ՊՆ ներկայացուցիչների ուղեկցությամբ նա ուղղաթիռով մեկնել է առաջնագիծ։
Վալտերը եղել է մի քանի շրջաններում, հետաքրքրվել է զինծառայողների խնդիրներով։ Նա նաև հանդիպել է բնակիչների հետ:
Դիտարկումից հետո Վալտերը վերադարձել է Բաքու։












