Charlie Hebdo ամսագիրն արժանացել է M100 Media Award մրցանակի
Ֆրանսիական երգիծական Charlie Hebdo ամսագիրը M100 Media Award մրցանակ է ստացել։ Այն հանձնել են ամսագրի գլխավոր խմբագիր Ժերար Բիարին։
Արարողությունը կայացել է Գերմանիայի Պոտսդամ քաղաքում՝ M100 Sanssouci Colloquium միջազգային մեդիահամաժողովի շրջանակում, գրում է Deutsche Welle-ն։
Արարողության ընթացքում ամսագրի խմբագիրը ելույթ է ունեցել ի պաշտպանություն ծաղրանկարների, որոնցում օգտագործվել է խորտակված սիրիացի փոքրիկի կերպարը։
«Երգիծանքը պետք է շոկ առաջացնի»,- նշել է Բիարը։
Հակառակ դեպքում, նրա կարծիքով, դա վատ ծաղրանկար է։ Նա ընդգծել է, որ երգիծանքը ցույց է տալիս իրականությունը։










