Ավստրալիան կրկին կմասնակցի «Եվրատեսիլ» երգի մրցույթին

Ավստրալիան 2-րդ անգամ կմասնակցի «Եվրատեսիլ» երգի միջազգային մրցույթին, հայտնում է The Guardian թերթը` հղում անելով տեղական SBS  հեռուստաընկերությանը:

Ավստրալացի երգիչ Գայ Սեբաստիանը ելույթ է ունեցել Վիեննայում անցկացված երգի մրցույթին և զբաղեցրել 5-րդ տեղը, փոխանցում է Интерфакс-ը:

Հաջորդ մասնակցի անունը հայտնի կդառնա հաջորդ տարի:

Ավանդաբար, «Եվրատեսիլ» երգի մրցույթին մասնակցում են միայն եվրոպական երկրների ներկայացուցիչները: Ավստրալիայի համար բացառություն է արվել, քանի որ մրցույթը շատ հայտնի է այդ երկրում։ Նախատեսվում էր, որ ավստրալացի մասնակիցը կմրցի եվրոպացիների հետ միայն մեկ անգամ:

Հաջորդ մրցույթը կանցկացվի 2016թ. մայիսի 10-14-ը՝ Ստոկհոլմում։