Նիգերիայի շուկայում պայթյուն է որոտացել, կան զոհեր և վիրավորներ

Նիգերիայի հյուսիսարևելյան Կանո քաղաքի էլեկտրոնային սարքերի շուկայում հզոր պայթյուն է տեղի ունեցել, որի հետևանքով կան զոհեր և վիրավորներ:

Ինչպես հաղորդում է РИА Новости-ն` պայթյունը տեղի է ունեցել շուկայի կենտրոնական մասում` տեղի ժամանակով 16:00-ին (երևանյան ժամանակով` 19:00):  Դեպքի վայր են ժամանել  փրկարարական ծառայության աշխատակիցները:

Նիգերիայի հյուսիսարևելյան հատվածում գործում է «Բոկո Հարամ» իսլամիստական    կազմավորումը, որն իրկանացնում է պայթյունների մեծ մասը երկրում: «Բոկո Հարամը» դեմ է հանդես գալիս կրթության արևմտյան մոդելին և ձգտում է ամբողջ երկրում շարիաթի օրենք հաստատել:

Հիշեցնենք, որ առավոտյան Նիգերիայի հյուսիս-արևելքում` Յոլա քաղաքում, ավտոբուսային կանգառում ահաբեկչություն էր տեղի ունեցել, որի հետևանքով զոհվել էր առնվազն 32 մարդ, վիրավորվել՝ մոտ 80-ը։