Փարիզյան սրճարանի մոտ իրեն պայթեցրած ահաբեկիչը գործազուրկ անբանի մեկն էր. մահապարտի նախկին կնոջ հարցազրույցը (լուսանկարներ)

15:47 • 18.11.15

Փարիզի ահաբեկիչներից Իբրահիմ Աբդեսլամի նախկին կինը որոշել է խախտել լռությունը և պատմել, թե ով էր Աբդեսլամն իրական կյանքում։

Նա The Daily Mail-ին պատմել է, որ Իբրահիմն անբան գործազուրկի մեկն էր, ով «ամբողջ օրը» մարիխուանա էր ծխում և երբեք չէր գնում մզկիթ։

31-ամյա Իբրահիմը պայթեցրել է իրեն Comptoir Voltaire սրճարանի մոտ ուրբաթ օրը Փարիզում տեղի ունեցած ահաբեկչական գործողությունների ժամանակ՝ վնասվածքներ հասցնելով երեք մարդու:

Նրա կինը՝ Նիաման, պատմել է, որ իրենց 2 տարվա ամուսնական կյանքի ընթացքում մասնագիտությամբ էլեկտրիկն ընդամենը մի օր է աշխատել և օրվա ընթացքում երեք կամ չորս անգամ մարիխուանա է ծխել:

«Նրա սիրած գործողությունը մարիխուանա ծխելն էր ու քնելը: Նա հաճախ էր օրվա ընթացքում քնում։ Նա չափազանց շատ էր ծխում»,- պատմել է նա:

Անվտանգության մարմիններում աղբյուրները ենթադրություն են հայտնել, որ նա պատահաբար ավելի շուտ է պայթեցրել ռումբը՝ սարքի հետ անզգույշ վարվելու արդյունքում։

Իբրահիմի կնոջ խոսքով՝ կրոնական մոլեռանդությունն անակնկալ է եղել իր համար: Նա պատմել է The Daily Mail-ին, որ իր նախկին ամուսինը երբեք չի գնացել մզկիթ կամ աղոթել, չնայած պահում էր Ռամադան, քանի որ իր ընտանիքը պարտադրում էր նրան։ Քանի որ նա գործ չուներ, ողջ օրը տանն էր մնում՝ DVD-ներ նայելով և արաբական հիփ- հոփ երաժշտություն լսելով: Նա չէր հետևում լուրերին և չէր հետաքրքրվում քաղաքական հարցերով, նրանք տանն անգամ հեռուստացույց չունեին: Կինը պատմել է նաև, որ իրենց հարսանիքին Իբրահիմի ընտանիքը ներկա չի եղել, նրանց ընտանիքն ավելի ժամանակակից է եղել և ամեն մեկն իր կյանքով է ապրել։

Նշենք, որ Իբրահիմի փոքր եղբայրը՝ 26-ամյա Սալեհ Աբդեսլամը, այժմ ոստիկանության ուշադրության կենտրոնում է և հետախուզման մեջ է գտնվում, քանի որ հարձակումներից հետո ոստիկանությանը չէր հաջողվել ձերբակալել նրան։

Հիշեցնենք, որ ուրբաթ երեկոյան Փարիզում ահաբեկչությունների շարք էր տեղի ունեցել: Անհայտ անձինք կրակ էին բացել քաղաքի ռեստորաններից մեկում, երեք պայթյուն գրանցվել էր «Ստադ դե Ֆրանս» մարզադաշտի մոտակայքում, որտեղ տեղի էր ունենում Ֆրանսիայի և Գերմանիայի հավաքականների ընկերական հանդիպումը և որին ներկա էր Ֆրանսիայի նախագահ Ֆրանսուա Օլանդը:

Բացի այդ, «Բատակլան» թատրոնում ռոք համերգի ընթացքում անհայտ անձինք պատանդ էին վերցրել հանդիսականներին: Վերջին տվյալներով՝ զոհվել է շուրջ 130 մարդ, վիրավորվել ավելի քան 300-ը։

Speaking out: Naima, who did not give her real name for fear of reprisals, has lifted the lid on her two years as the wife of Ibrahim Abdeslam - who blew himself up outside the Comptoir Voltaire cafe on Friday

Hypocrite: In the two years she was married to the would-be murderer, Abdeslam never went to mosque or prayed - but did keep Ramadam, although only because his family forced him to

Destruction: The cafe where the 'chilled out' Abselam killed himself - but not anyone else

Stoner: All the jobless Abdeslam did was 'sleep and smoke weed'. The latter is haram, or forbidden, in Islam. He also served two prison sentences for theft, and drank beer and vodka

Եղբայրը՝ World's most wanted: His brother Salah is now on the run, after also allegedly getting involved in Friday's massacre. He did not attend the couple's wedding in 2006, two years after they first met

Modern: The killers' mother Yamina is said to be the most progressive, going out for pizza with friends. Slalah, pictured, remains on the run. Police suspect he was involved in the attacks