Կասկածյալներից մեկը փախուստի է դիմել Փարիզի արվարձանում հատուկ գործողության վայրից. ԶԼՄ-ներ

Փարիզում նոյեմբերի 13-ին իրականացված ահաբեկչություններին մասնակցության համար կասկածվող անձանցից մեկը թաքնվել է Սեն Դենի արվարձանում անցկացվող ոստիկանական հատուկ գործողության վայրից։

«Մեկ մարդ կարողացել է թաքնվել և փախուստի է դիմել»,- ոստիկանության ներկայացուցչի խոսքն է մեջբերում RTL ռադիոկայանը:

AP գործակալությունը և ֆրանսիական լրատվամիջոցները հաղորդում են, որ մեկ մարդ դեռ դիմադրում է ոստիկանությանը բնակարանում: Նրա ինքնությունը հայտնի չէ:

Ֆրանսիայի մայրաքաղաքի դատախազությունը հայտնել է, որ հատուկ գործողության ընթացքում 5 կասկածյալ է ձերբակալվել:

Երեք կասկածյալներ եղել են այն նույն շենքում, ինչ կին մահապարտ ահաբեկիչը, ով պայթեցրել է իրեն: Եվս երկուսը՝ տղամարդ և կին, ինչպես հայտնել է դատախազությունը, «ձերբակալվել են մոտակայքում»:

Ձերբակալվածների ինքնությունները կամ այլ մանրամասներ իրավապահները չեն հայտնում՝ հավելելով միայն, որ հատուկ գործողությունը դեռ չի ավարտվել:

Փարիզի իշխանությունները դեռ հորդորում են Սեն Դենիի բնակիչներին մնալ տներում:

Չորեքշաբթի առավոտյան ոստիկանական հատուկ ուժերը գործողություն են ձեռնարկել Փարիզի Սեն Դենի արվարձանում, որտեղ բնակարաններից մեկում թաքնվել է ահաբեկչությունների շարքին ներգրավված ենթադրյալ ահաբեկիչներին խումբը:

Բոլոր մանրամասները կարող եք կարդալ այստեղ։