Օգնե՛ք ինձ. Փարիզում կին մահապարտը մինչ իրեն պայթեցնելը դիմել էր իրեն պաշարած ոստիկաններին (տեսանյութ)

12:21 • 19.11.15

Երեկ` նոյեմբերի 18-ին, փարիզյան Սեն Դենի արվարձանում ոստիկանական հատուկ գործողության իրականացման ընթացքում իրավապահները բախվել են արտակարգ պատահարի. երիտասարդ կին մահապարտը երևացել է փարիզյան ահաբեկչությունների շարքի ենթադրյալ կազմակերպիչ Աբդելհամիդ Աբաուդի պաշարված բնակարանի պատուհանից` օգնություն խնդրելով ոստիկաններից:

Ինչպես նշում է The Daily Mail-ը, հետագայում պարզվել է, որ Հասնա Աիթբուլահսենն Աբաուդի զարմուհին է։ Ականատեսներից մեկի պատմելով՝ երիտասարդ կինը մի քանի անգամ երևացել է 3-րդ հարկում գտնվող բաց պատուհանից ու բղավել. «Օգնե՛ք ինձ, օգնե՛ք ինձ»: Սա լսելուց հետո ոստիկանները դիմել են կնոջը`պահանջելով ցույց տալ դեմքն ու բացահայտել ինքնությունը, սակայն անծանոթուհին միայն ձեռքերն է պատուհանից դուրս հանել:

Այնուհետև բնակարանում թաքնված ահաբեկիչների ու իրավապահների միջև փոխհրաձգություն է սկսվել: Րոպեներ անց ուժգին պայթյուն է լսվել. կին մահապարտը գործի է դրել մարմնին ամրացված ռումբը: Ականատեսների խոսքերով՝ նախքան ինքնասպանությունը կին մահապարտն արտասվել է ու արաբերենով ասել. «Ալլա՛հ, աքբար»:

Ինչպես ավելի վաղ հայտնել էր Tert.am-ը, նոյեմբերի 13-ին Փարիզում տեղի ունեցած ահաբեկչությունների շարքի ենթադրյալ կասկածյալ Աբդելհամիդ Աբաուդին ու նրա հանցակիցներին ոչնչացնելու նպատակով ֆրանսիացի իրավապահները հատուկ օպերացիա են իրականացրել Սեն Դենի արվարձանի հյուսիսային հատվածում:

Հիշեցնենք, որ ուրբաթ երեկոյան Փարիզում տեղի ունեցած ահաբեկչության հետևանքով մոտ 130 մարդ է զոհվել, նրանց թվում` 17-ամյա Լոլա Ուզունյանը, 300-ից ավելին վիրավորվել։

Aftermath: Forensics of the French police search for evidence outside a building in the northern Pairs suburb of Saint-Denis, where a female suicide bomber blew herself up during a police raid

The woman, named as Hasna Aitboulahcen, is believed to have shouted for help from police before retreating inside the building and blowing herself up

Kalashnikovs were being used against the security forces, but after an an hour and a half of furious exchanges there was a lull in the fighting, and the 'blonde' woman appeared in the window

Police began firing at the building again, but just moments later there was an enormous explosion from the building. Pictured, police after the explosion was heard from inside the building