Չինաստանի ոստիկանությունն ահաբեկիչների է ոչնչացրել

Լուսանկարը՝ Reuters-ի

Չինական Սինցզյան շրջանի ոստիկանությունը 56 օրում հայտնաբերել ու ոչնչացրել է 28 ահաբեկիչների, տեղեկացնում է gazeta.ru-ն՝ տեղի իշխանություններին հղումով։

Զինյալների խումբը սեպտեմբերի 18-ին հարձակվել է Աքսու շրջանի ածխահանքի վրա։
Հարձակվողները սպանել են 11 խաղաղ բնակչի:

Ոստիկանության տվյալներով՝ հարձակվողները պատկանել են ահաբեկչական խմբավորման, որի անդամները ոչնչացվել են գործողության ընթացքում:

Գործակալությունը նշում է, որ զինյալներից մեկը հանձնվել է, սակայն մնացած 28-ը սպանվել են ոստիկանության իրականացրած գործողության ընթացքում։