Չի կարելի սեփական երկիրը պատանդ վերցնել. Սաակաշվիլին՝ Յացենյուկի մասին (տեսանյութ)

Ուկրաինայի Օդեսա շրջանի նահանգապետ Միխեիլ Սաակաշվիլին հայտարարել է, թե երկրի վարչապետ Արսենի Յացենյուկի հայտարարությունները՝ պաշտոնից ազատվելու դեպքում ընդդիմության շարքերն անցնելու մասին, կոռեկտ չեն:

«Ես այսօր լսեցի վարչապետին, նա ասաց. «Եթե ինձ հանեն պաշտոնից, ես ընդդիմադիր կդառնամ, իմ խմբակցությունը դուրս կգա»: Չի կարելի սեփական երկիրը պատանդ վերցնել պաշտոնի համար: Պաշտոնի համար չէ, որ զոհվել են մարդիկ»,-ասել է Սաակաշվիլին «112 Ուկրաինա» հեռուստաալիքի եթերում։

Նա հավելել է, թե կարևոր չէ՝ ով է զբաղեցնում պաշտոնը՝ Յացենյո՞ւկը, թե՞ այլ մեկը: Դա ոչ կոռեկտ հայտարարություն է ցանկացած պաշտոնյայի համար:

«Ի՞նչ է, նա այդ պաշտոնի՞ն է ծնվել, կպա՞ծ է այդ աթոռին: Ի՞նչ է, նա պետք է մեռնի՞ իր աշխատասենյակում»-հայտարարել է Սաակաշվիլին: