Մեքսիկացիները սպառնում են դատի տալ հայտնի դիզայներ Իզաբել Մարանին

Մեքսիկական Սանտա Մարիա քաղաքում բնակվող մի խումբ կանայք մեղադրում են հայտնի դիզայներ Իզաբել Մարանին (Isabel Marant) իր նոր հավաքածուի ստեղծման ընթացքում իրենց ազգային հանդերձների նախշերը գողանալու համար:

Ինչպես նշում է The Gaurdian-ը, խոսքը վերաբերում է բրենդի վերջին Etoile գարուն/ամառ-2015 հավաքածուում ներառված շապիկներից մեկին, որի վրայի նախշերն անչափ նման են մեքսիկուհիների կրած ազգային հագուստի նախշերին:

Կանայք  տվյալ հարցի առնչությամբ անգամ մամուլի ասուլիս են հրավիրել, որի շրջանակներում մեղադրել են Մարանին գողության համար, դրամական փոխհատուցում պահանջել ու սպառնացել դատական հայց ներկայացնել տաղանդավոր դիզայների դեմ: