Նիդեռլանդները չի բացառում Սիրիայում ԻՊ-ի դիրքերին ավիահարվածներ հասցնելը

10:17 • 20.11.15

Նիդեռլանդները չի բացառում Սիրիայում «Իսլամական պետություն» խմբավորման դիրքերին ավիահարվածներ հասցնելու հնարավորությունը, հայտնել է երկրի վարչապետ Մարկ Ռյուտեն:

 

Նրա խոսքով` այս փուլում ինքը չի աջակցում այդ գաղափարին, սակայն հետագայում նման հնարավորությունը չի բացառվում, փոխանցում է Корреспондент-ը:
 

Նիդեռլանդները գտնվում է արևմտյան կոալիցիայի կազմում, որը պայքարում է ահաբեկիչների դեմ Մերձավոր Արևելքում, սակայն ավիահարվածներ է հասցնում իսլամիստների դիրքերին միայն Իրաքում, որի կառավարությունը հավանություն է տվել նման գործողություններին։

 

Միևնույն ժամանակ, Սիրիայի նախագահ Բաշար ալ-Ասադը նման օգնություն չի խնդրել, ինչի կապակցությամբ Նիդեռլանդների կառավարությունում կարծում են, որ Սիրիայում ավիահարվածները կարող են միջազգային նորմերի խախտում դառնալ։