Եղանակն՝ այսօր
Թուրքիան չկարողացավ ապացուցել, որ խախտվել է թուրքական սահմանը. Հունաստանի ազգային պաշտպանության նախարար
ՀՀ պաշտպանության նախարար Սերյան Օհանյանն այսօր Հունաստանի ազգային պաշտպանության նախարար Պանայոտիս Կամմենոսի հետ համատեղ ասուլիսի ժամանակ, անդրադառնալով տարածաշրջանային խնդիրներին, ասաց, որ հարևանների հետ կապված խնդիրները բոլորին մտահոգում են:
«Միջազգային հանրությանը, հատկապես մեր ռազմավարական գործընկերների ուշադրությունը սևեռած է նրան, որ տարածաշրջանում կան պետություններ, հանձինս Թուրքիայի, որոնք աջակցում են «Իսլամական պետությանը»,-ասաց նա և նշեց, որ իրենք դա դատապարտում են դա:
Պանայոտիս Կամմենոսին նշեց, որ Թուրքիան չկարողացավ ապացուցել, որ խախտվել է թուրքական սահմանը և «սպանեց» միջազգային սկզբունքները:
«Շարունակում է մնալ մեկ պետություն, որը տարածաշրջանում սադրանքներով է գործում, չի հարգում միջազգային իրավունքները և խախտում է Հունաստանի օդային տարածքը»,-ասաց նա և նշեց, որ որևէ կասկած չկա, որ Սիրիայի օդային տարածքում է խոցվել ինքնաթիռը:
Հունաստանի ազգային պաշտպանության նախարարը համամիտ էր, որ Թուրքիան աջակցում է «Իսլամական պետությանը»:
«Ակնհայտ է, որ Թուրքիայում նավթի, զենքերի, թմրամիջոցների և մարդկանց ապօրինի տեղաշարժ է տեղի ունենում, և այդ գումարները գնում են ի օգուտ ահաբեկիչների»,-ասաց նա:
Սերյան Օհանյանն ասաց, որ ոչ պատերազմական իրավիճակում հարևանները պետք է փոխադարձ հանդուրժողականություն ցուցաբերեն՝ հնարավոր այն խախտումների նկատմամբ, որոնք կարող են լինել զինված ուժերի պատրաստության հատկապես օդային հատվածում:
«Այս իրականության մեջ, երբ Թուրքիան ինքը համարյա թե ամեն օր խախտում է Հունաստանի օդային սահմանները, և նաև խախտում է եղել Հայաստանի Հանրապետության սահմաններում, որին մենք հանդուրժողականությամբ ենք մոտեցել, ինքն իրավունք չուներ այդ ոչ գործընկերային, ոչ հարևանային քայլը կատարել Ռուսաստանի Դաշնության օդային ուժի նկատմամբ և հատկապես օդաչուի նկատմամբ՝ խախտելով միջազգային իրավունքի բոլոր նորմերը»,-ասաց նա:
Studio One