Հայաստան-Ադրբեջան վեհաժողովը եզրափակվեց 2016 թվականի համար բաժակաճառով. Ուորլիք

Հայաստան-Ադրբեջան վեհաժողովը եզրափակվեց 2016 թվականի համար բաժակաճառով՝ աշխատել բանակցությունների միջոցով կարգավորման ուղղությամբ: Այդ մասին Twitter-ի իր էջում գրել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը:

«Հայաստան-Ադրբեջան վեհաժողովը եզրափակվեց 2016 թվականի համար բաժակաճառով՝ աշխատել բանակցությունների միջոցով կարգավորման ուղղությամբ»,- գրել է ամերիկացի համանախագահը:

Ավելի վաղ Ուորլիքը սոցցանցում իր էջում գրել էր, որ Հայաստանի նախագահ Սերժ Սարգսյանի և Ադրբեջանի նախագահ Իլհամ Ալիևի երկխոսությունը շարունակվում է մեկ ժամից ավելի:

«Այո, Հայաստան-Ադրբեջան վեհաժողովի նախագահների երկխոսությունը շարունակվում է մեկ ժամից ավելի»,- գրել է ամերիկացի համանախագահը:

Հիշեցնենք, որ  Բեռնում ԵԱՀԿ Մինսկի խմբի համանախագահների միջնորդությամբ կայացել է ՀՀ Նախագահ Սերժ Սարգսյանի հանդիպումը Ադրբեջանի նախագահ Իլհամ Ալիևի հետ։