Ժերար Դեպարդիեն ֆրանսիական վեպի էկրանավորման մեջ կմարմնավորի Իոսիֆ Ստալինին

Ֆրանսիացի դերասան Ժերար Դեպարդիեն  Ֆանի Արդանի «Ստալինի բազմոցը» (Le divan de Staline) ֆիլմում կմարմնավորի Իոսիֆ Ստալինին:   Gazeta.ru-ի հաղորդմամբ` այս մասին տեղեկացնում է «Մոսֆիլմի» մամլո ծառայությունը:

Ֆիլմը նկարահանվելու  է ֆրանսիացի գրող Ժան Դանիել Բալտասի 2013-ին հեղինակած վեպի հիման վրա:  Նկարահանումը կիրականացնի Leopardo Filmes ֆրանս-պորտուգալական ընկերությունը:

Նշվում է, որ հագուստներն ու անհրաժեշտ պարագաները նկարահանումների համար կտրամադրի  «Մոսֆիլմը»:

Դերասանը, ով 2013-ին ռուսական անձնագիր է ստացել» այժմ նշում է, որ ցանկանում է բնակարան գնել Մոսկվայում և բնակվել Սիբիրում: