Քյոլնում մերկ նկարչուհին բողոքի ակցիա է կազմակերպել ընդդեմ բռնության

Շվեյցարացի նկարչուհի Միլո Մուարեն գերմանական Քյոլն քաղաքի կենտրոնում միանձնյա բողոքի ակցիա է կազմակերպել ընդդեմ բռնության:

Ինչպես նշում է lenta.ru-ն, ամբողջովին մերկ կինը դուրս է եկել Քյոլնի գլխավոր հրապարակ, որտեղ  Նոր տարվա գիշերը տասնյակ կանանց նկատմամբ սեռական բնույթի ոտնձգություններ էին իրականացվել:

Կինն այդ վիճակում հրապարակում է կանգնել մոտ 20 րոպե` ձեռքում պահելով «Հարգե’ք  մեզ: Մենք հարձակման օբյեկտներ չենք` նույնիսկ եթե մերկ ենք» գրությամբ պաստառը:

Ըստ իրավապահների՝ արդեն հայտնի է, որ կանանց նկատմամբ սեռական բռնություններ իրագործողների մեծ մասը փախստականներ են։