Ես արագ լուծվող աստղ եմ. Դևիդ Բոուիի ամենահետաքրքիր մտքերը (լուսանկարներ)

Այսօր հայտնի դարձավ, որ հունվարի 10-ին կյանքից հեռացել է աշխարհահռչակ ռոք երաժիշտ Դևիդ Բոուին, ով 18 ամիս շարունակ պայքարում էր քաղցկեղի դեմ:

Նշվում է, որ 69-ամյա արվեստագետն իր մահկանացուն կնքել է` ընտանիքի ամենահարազատ անդամներով շրջապատված:

Ի հիշատակ տաղանդաշատ բրիտանացու Esquire ամսագիրն ուշագրավ ծաղկաքաղ է արել նրա մտքերից` ներկայացնելով լավագույնները.

1. Ես երբեք չեմ ցանկացել լիարժեք ամերիկացի դառնալ: Այդ իսկ պատճառով այն ամենը, ինչ ես գնում եմ ու հագնում, արտադրված է Եվրոպայում:

2. Դժվար թե իմ մասին որևէ մեկը հիշի  հազար տարի անց:

3. Ես արագ լուծվող աստղ եմ. հարկավոր է միայն ջուր ավելացնել ու մի քիչ խառնել:

4. Չափազանց դժվար է ապրել ներդաշնակության մեջ` քաոսի հետ:

5. Երիտասարդ տարիքում ես շատ եմ թմրանյութեր օգտագործել: Հիմա հաստատ կարող եմ ասել, որ ես ավելի հավասարակշռված եմ, բայց այս վիճակին հասնելու համար ստիպված եմ եղել միլիոնավոր հաբեր խժռել:

6. Շատ դժվար է քանդել բարոյախոսությունը մի աշխարհում, որտեղ դրանից այլևս չի մնացել:

7. Դու չես կարող հաղթել կամ պարտվել` առանց մրցապայքարին մասնակցելու:

8. Ես սարսափում եմ մարդկանցից, ովքեր զուրկ են տաղանդից ու բախտի բերմամբ են ճանաչում ձեռք բերել: Նման մարդիկ կարող են միայն արտացոլել լույսը, բայց չեն կարող այն արձակել:

9. Իրականում ռոք կուռք լինելն ու սուպերմոդել կին ունենալն ամենալավ բանն է, որ կարող է այս կյանքում տեղի ունենալ:

10. Ատում եմ մարդկանց, ովքեր չգիտեն՝ ինչպես վատնել իրենց ազատ ժամանակը։