Հռոմի պապն ավելի կարևոր գործեր ունի, քան ֆիլմում նկարահանվելը. Վատիկանի աղբյուր

Պոնտիֆիկոսի աշխատանքային օրն այնքան հագեցած է, որ այնտեղ դժվար թե տեղ գտնվի նման երկարատև պրոցեսի համար, ինչպիսին ֆիլմում նկարահանվելն է, РИА Новости-ին հայտնել է Վատիկանի աղբյուրը` այդպիսով հերքելով ԶԼՄ-ներում հայտնված տեղեկությունն այն մասին, թե Հռոմի պապը կնկարահանվի արկածային ֆիլմում՝ խաղալով իր իսկ դերը։
 

Այն մասին, որ Հռոմի պապը պատրաստվում է կատարել իր իսկ դերն իտալական կինոընկերություններից մեկի ֆիլմում, առաջին անգամ հայտնել է Variety ամսագիրը:

«Հռոմի պապն ունի ավելի կարևոր գործեր, քան ֆիլմում նկարահանվելը»,- նշել է Պապական խորհրդի ներկայացուցիչը։

Նա հիշեցրել է, որ Սուրբ աթոռի մամուլի ծառայության ղեկավար մոնսենյոր Լոմբարդին արդեն պաշտոնապես հերքել է այդ լուրը:

Վատիկանի ներկայացուցիչը հավելել է, որ կինոգործիչները հաճախ իրենց անպարկեշտ են պահում պոնտիֆիկոսի հանդեպ` ցանկալին իրողության տեղ դնելով, որպեսզի իրենց լրացուցիչ գովազդեն Ֆրանցիսկոսի հեղինակության միջոցով:

«Ունենալով հնարավորություն ստանալու վավերագրական կադրեր Վատիկանի արխիվից` ռեժիսորներն ամբողջ ընթացքում փորձում են ստանալ Հռոմի պապին որպես դերասան` կարծես չհասկանալով` որքան ծանրաբեռնված է պոնտիֆիկոսի աշխատանքային օրը»,-նշել է աղբյուրը: