Լուվրը ռեկորդային գնով ձեռք է բերել Ռեմբրանտի կտավներից մեկը

Փարիզի Լուվր թանգարանը 80 մլն եվրո է ներդրել որպես իր մասնաբաժին Նիդերլանդների հետ համատեղ Ռեմբրանտի երկու կտավները ձեռք բերելու համար:

Ինչպես ներկայացնում է Euromag-ը, գործարքի ընդհանուր արժեքը կազմել է 160 մլն եվրո: Ֆրանսիան և Նիդերլանդները  պատմական փաստաթուղթ են ստորագրել Ռեմբրանտի վրձնին պատկանող երկու վիթխարի կտավ գնելու մասին: Փաստաթուղթը ստորագրվել է երկու երկրի  մշակույթի նախարարների կողմից:

Լուվրի կողմից դա խոշորագույն ներդրումն էր, որը երբևէ կատարել է ֆրանսիական թանգարանը:

Կտավները, որոնք  թվագրվում են 1634 թվականին, պատկերում են մեծահարուստ հոլանդացի Մարտին Սոլմանսին և նրա ապագա կնոջը` նրանց հարսանիքի նախօրեին: