Ես նախկինում երբեք չեմ ցանկացել երեխա ունենալ. Ջոլի

Հոլիվուդյան հայտնի դերասանուհի, հիմա արդեն նաև ռեժիսոր Անջելինա Ջոլին խոստովանել է, որ երբեք չի ցանկացել երեխա ունենալ։ Սակայն, դերասանուհու խոսքով, ամեն ինչ փոխվեց որդեգրման առաջին որոշումը կայացնելուց հետո:

«Այնքան տարօրինակ է. ես երբեք չեմ ցանկացել երեխա ունենալ, հղիանալ: Ես երբեք երեխաների հետ չեմ զբաղվել: Երբեք ինձ չեմ պատկերացրել մոր դերում»,- մեջբերում է gazeta.ru-ն Ջոլիի խոսքերը:

Սակայն Կամբոջայի դպրոցներից մեկում երեխաների հետ խաղալու ժամանակ դերասանուհին հանկարծակի հասկացել է, որ իր երեխան գտնվում է հենց այդ երկրում:

Նա Մեդոքսին` իր առաջին որդուն, որդեգրել է 2002թ.: Դրանից հետո դերասանուհին ու իր ամուսինը` Բրեդ Փիթը, որդեգրել են ևս 2 երեխայի: Այժմ նրանց բազմանդամ ընտանիքում կա 6 երեխա, որից 3-ի կենսաբանական ծնողները Ջոլին ու Փիթն են։