Apple-ի չինական մրցակիցը սեփական Smart Watch-ը կթողարկի

Apple-ի չինական մրցակից Xiaomi ընկերությունը, որին լրատվամիջոցները անվանում են  «Չինաստանի Apple»,  մտադիր է ներկայացնել Կուպերտինոյում գործող ընկերության արտադրանքներից մեկի` smart ժամացույցի  իր նմուշը:

Ինչպես նկատում է  Business insider-ը` չինական այս ընկերությունը հայտնի է ամերիկյան տեխնոլոգիական հսկայի ոճը նմանակելով և սեփական  նմանօրինակ արտադրանքների թողարկմամբ:

Դեռ 2015-ի մարտից տեղեկություններ էին հրապարակվում, որ Xiaomi-ն աշխատում է smart ժամացույցի մշակման ուղղությամբ: Սակայն թողարկման մասին հավաստի տեղեկություններ ստացվել  են վերջերս և հայտնի է դարձել, որ smart ժամացույցը կթողարկվի 2016-ին: