Եղանակն՝ այսօր
Գիտնականները բացահայտել են հնագույն պերուական կառույցների առեղծվածը (տեսանյութ)
Վերլուծելով ստացված արբանյակային պատկերները` Իտալիայի Էկոլոգիական վերլուծությունների մեթոդոլոգիաների ինստիտուտի գիտնականները` Ռոսա Լազապոնարայի ղեկավարությամբ բացահայտել են Պերուում գտնվող այս տարօրինակ կազմավորումների օգտագործման նպատակը:
Ինչպես ներկայացնում է Tech Insider-ը` «Պուկիոս» կոչվող այս կազմավորումները կառուցել է Պերուի հնագույն Նասկա ժողովուրդը, որը հայտնի է Նասկայի գեոգլիֆներով:
Հնագետները դարեր շարունակ փորձել են պարզել` ինչպես են օգտագործվել այդ քարե կազմավորումները, որոնց կառուցման ամսաթիվը պարզել հնարավոր չէ ավանդական տեխնիկայի կիրառմամբ:
Այժմ գիտական ուսումնասիրությունները ցույց են տվել, որ ստորգետնյա ջրանցքներով մարդիկ ջուր են հասցրել չոր, ամայի շրջաններ: Քարե ձագարաձև կառույցների ստորին հատվածները միացել են թունելին` ջուրն օդամղիչ ճանապարհով մղելով դեպի չորային վայրեր: Ենթադրվում է, որ դրանք օգտագործվել են նաև գետնի տակից ջուր վերցնելու համար:
Studio One