Airbus-ը ներկայացրել է  3D տպիչով ստեղծված առաջին մինի-ինքնաթիռը (տեսանյութ)

Airbus  ավիաընկերությունը Գերմանիայում անցկացվող ավիացուցադրության ժամանակ ներկայացրել է աշխարհում առաջին մինի-ինքնաթիռը, որը ստեղծվել է   3D  տպիչով:

Ինչպես հայտնում է РБК-ն` օդանավի բոլոր մասերը, բացի  էլեկտրականներից, պատրաստվել են պոլիամիդից:  Thor անվանումն ստացած օդանավի մինի-տարբերակը ներկայանում է առանց պատուհանների: Այն կշռում է 21 կգ, իսկ երկարությունը կազմում է 4 մետր:

«Սա  3D-տպագրության տեխնոլոգիայի հնարավորությունների փորձարկում էր», - ասել է Thor օդանավի ծրագրավորողը` ելույթ ունենալով Բեռլինի միջազգային ավիացիոն-տիեզերական ցուցադրության ժամանակ:

 
Airbus-ը և նրա ամերիկյան մրցակից  Boeing ընկերությունն արդեն կիրառում են 3D-տպագրության տեխնոլոգիան, մասնավորապես`  А350 և B787 Dreamliner ուղևորատար օդանավերի համար որոշ մասեր պատրաստելիս: