SpaceX  ընկերությունը մտադիր է 2024թ.-ից սկսած ուղևորներ ուղարկել Մարս

Ամերիկյան SpaceX տիեզերական ընկերությունը 8 տարի անց կսկսի մարդկանց ուղարկել Մարս: 

Daily Mail-ի հաղորդմամբ` տիեզերական ընկերության գլխավոր տնօրեն Էլոն Մասկը հայտնել է, որ նախատեսում է ուղևորատար հրթիռներ ուղարկել Մարս 2024-ին, որոնք տեղ կհասնեն 2025-ին:

Առաքելությունը կիրագործվի Flying Dragon հրթիռներով, որոնց թռիչքը դեպի Կարմիր մոլորակ կտևի 18 ամիս: Ելույթ ունենալով Կալիֆոռնիայում անցկացվող համաժողովում` Մասկը նշել է, որ Flying Dragon 2 հրթիռներով առաքելություն կուղարկի Մարս` սկսած 2018-ից, որից հետո կշարունակի անել նույնը՝ 26 ամիսը մեկ։ 

Իսկ մարդկանց տեղափոխող հրթիռները կսկսեն իրենց առաքելությունը 2024-ին: Flying Dragon 2 հրթիռի ինտերիերի չափերն են՝ 7.2 մետրը 3.7 մետրի վրա: Այն կարող է 7 ուղևոր տեղափոխել: