Ֆրանսիացի հնագետները 6.000 տարի առաջ տեղի ունեցած սպանդի մնացորդներ են հայտնաբերել (լուսանկարներ)

15:16 • 08.06.16

Ֆրանսիացի հնագետները պեղումների արդյունքում հայտնաբերել են մարդկային ամբողջական կմախքներ ու ոսկորներ, որոնք ունեն 6.000 տարվա պատմություն ու իրենց վրա կրում են լուրջ վնասվածքների հետքեր:

Ինչպես նշում է The Guardian-ը, ուշագրավ հայտնագործությունն արվել է Ֆրանսիայի հյուսիս-արևելյան հատվածում` Էլզասում: Հնագետների կարծիքով՝ հայտնաբերված 10 կմախքների տերերին ենթարկել են դաժան սպանդի: Այդ են վկայում գանգոսկրերի, ոտքերի ու ձեռքերի ոսկորների վրա եղած բազմաթիվ վնասվածքների հետքերը:

«Այս մարդկանց դաժանորեն սպանել են: Ըստ ամենայնի՝ նրանց մահացու հարվածներ են հասցվել մեծ քարերով» ,-նշել է հնագետ Ֆիլիպ Լեֆրանկը: